محترم حضرت حکیم صاحب السلام علیکم! اللہ تعالیٰ کی قدرت سے امید ہے کہ آپ بخیریت ہوں گے۔ اللہ پاک آپ کو ہمیشہ خوش اور آباد رکھے‘ اولاد کی خوشیاں دنیا و آخرت کی کامیابی نصیب فرمائے اور آپ اسی طرح دکھی انسانیت کی خدمت کرکے ہیں۔میں گزشتہ آٹھ سال سے پروسٹیٹ کی تکلیف میں مبتلا ہوں‘ الٹراساؤنڈ رپورٹ کے مطابق پروسٹیٹ کا سائز نارمل سے زیادہ ہے۔ پیشاب جل کر آتا ہے۔ عبقری رسالہ کے ایک سابقہ رسالہ میں آپ نے کباب چینی اور پھٹکڑی کے استعمال کا بتایا ہے۔ آپ کی کتاب ’’میرے طبی رازوں کا خزانہ‘‘ کے صفحہ نمبر 135 پر بھی آپ نے اس کا یعنی کباب چینی کا استعمال بتایا ہے۔ گزشتہ ایک ماہ سے میں کباب چینی چوتھائی چمچ چائے کا چمچہ دن میں چار سے چھ مرتبہ استعمال کررہا ہوں۔ اللہ کی مہربانی سے مجھے بہت افاقہ ہے۔ھوالشافی: پھٹکڑ ی خام یعنی پھول نہ کریں بلکہ اصلی حالت میں 10 گرام‘ کباب چینی 100 گرام دونوں نہایت باریک کر کے پیس لیں۔ چوتھائی چھوٹا چمچ دن میں 4 بار یا حسب ضرورت 6 بار کچی لسی یا پانی کے ہمراہ دیں۔ بس ایک احتیاط لازم اور نہایت توجہ طلب ہے اس وقت کباب چینی کی بجائے ایک اور دوائی ہے۔ اصلی کباب چینی کی نشانی یہ ہے کہ اس کے ساتھ ڈنڈی ہو گی یہ کالی مرچ کی طرح کے بیج ہوتے ہیں اگر ڈنڈی نہ ہو تو ہرگز ہرگز نہ لیں۔ (محمدعلی‘ دامن کوہسار)